EXPOSICIÓN DE 6ºA

Os maiores do cole deleitáronnos con unha magnífica exposición sobre o Camiño Francés.

A NOSA TARTA DE SANTIAGO

E para acompañar no camiño qué mellor que esta riquísima tarta de Santiago. Grazas Victoria pola túa axuda.
                          

NO CAMIÑO

Os pequenos peregrinos xa hai algún tempo que comezamos o noso camiño, agora toca descansar un pouco, retomarémolo despois con máis forza porque xa albiscamos a nosa meta.

      

O CAMIÑO OLÍMPICO

Os xogos olímpicos do Camiño de Santiago acaban de arrancar no Xulio Camba. Para poder gañar debemos contestar a unha serie de preguntas sobre a etapa do Camiño que estamos a traballar. A investigación está aberta, todos podemos participar. Inauguramos as olimpiadas do Xulio Camba!!! Animádevos!!!


Pinchade na imaxe para ver as bases...

O CAMIÑO DA PAZ

Os peques do edificio norte celebramos o Día da Paz estampando as nosas mans en vieiras de peregrinos e, como tales, seguimos a percorrer o noso camiño, nesta ocasión o Camiño da Paz.

FACENDO CAMIÑO

Os pequenos peregrinos recibimos a visita de Tino Lores, presidente da Asociación de Amigos do Camiño Portugués, contounos unha chea de cousas interesantes sobre o Camiño e ata camiñamos co bordón como auténticos peregrinos.
Moitas grazas pola visita Tino.

                                    

Buscamos: O peregrino

Moitos nenos e nenas participaron no Buscamos do mes de outubro pero só dúas compañeiras acertaron. NEREA PÉREZ y NOELIA OUBIÑA de 4º B foron as gañadoras.

                  

Gracias por concursar no buscamos da biblioteca!!! Acordádevos de participar a próxima vez!
   
                                                                                                                                        
                                                                                                                                                   A biblioteca de Don Mexillón

PDI: AS NOSAS PEGADAS…

ARRANCAMOS...(cando comezamos o noso alumnado aínda non sabía o título do PDI).

Esta semana no recreo estivemos a deixar pistas sobre o PDI deste curso.
Un día encontraron unha mochila, outro un pucho, un caxado, unha cuncha, unhas botas… e o último día unha capa. Debuxáronnos na aula, escribiron o seu nome en castelán, galego e inglés e como o noso alumnado é moi intelixente chegou a conclusión de que o  proxecto trataba sobre Camiño de Santiago.

Pois sí, imos a traballar os diferentes CAMIÑOS. Para seguir coa toma de contacto e descubrir o que os nenos/as saben, na nosa sección “BUSCAMOS” teñen que investigar  sobre os obxectos que acompañan ao peregriño e adiviñar o seu nome.

                                                                                                                               

COMEZA A NOSA ANDADURA...

Este curso temos unha misión: desenvolver un PDI que terá como tema central o Camiño de Santiago, chamámolo "As nosas pegadas..." A biblioteca será o centro de mando que axude a favorecer a observación, a consulta e a investigación para dar resposta aos diferentes interrogantes sobre os diferentes Camiños: de onde parten, por onde pasan, a súa gastronomía, patrimonio cultural... para rematar en Santiago.

Acompañádenos na nosa andadura, axudádenos, contádenos as vosas vivenzas e disfrutade con nós.