NO CAMIÑO

Os pequenos peregrinos xa hai algún tempo que comezamos o noso camiño, agora toca descansar un pouco, retomarémolo despois con máis forza porque xa albiscamos a nosa meta.

      

OS NOSOS TRABALLIÑOS

Estes son os fantásticos traballos que fixeron os cativos de educación infantil inspirados na Pascua. Agardamos que vos gusten.

                                

O CAMIÑO OLÍMPICO

Os xogos olímpicos do Camiño de Santiago acaban de arrancar no Xulio Camba. Para poder gañar debemos contestar a unha serie de preguntas sobre a etapa do Camiño que estamos a traballar. A investigación está aberta, todos podemos participar. Inauguramos as olimpiadas do Xulio Camba!!! Animádevos!!!


Pinchade na imaxe para ver as bases...

8 DE MARZO, DÍA INTERNACIONAL DA MULLER

Dende a nosa BB quixemos que as mulleres da vida dos nosos alumnos/as brillaran con luz propia no centro.

Para conseguilo propuxemos a actividade “A muller máis importante para min”, onde cada alumno/a debía contarnos quen era esa persoa e por que era importante.

Nais, avoas, irmás, curmás…aparecen reflexadas nos seus traballos, cheos de cariño e dulzura.

Elas perporren o Camiño de Santiago con nós, apoiándonos e axudándonos nesta viaxe.

 Noraboa!!                                                                   

ANIVERSARIO DE ROSALÍA DE CASTRO

Para conmemorar o aniversario da nosa máis internacional escritora, realizamos varias actividades no colexio.

Coma sempre os nosos colaboradores da BB tiveron unha participación brillante. Son fantásticos.

                                                   

     No taller que temos os venres na BB, pintamos caricaturas da autora.                                       

                                                                                                                            

   Os nosos colaboradores percorreron as aulas do colexio recitando o poema

   “Adiós ríos, adiós fontes”, leron anacos da biografía de Rosalía e outros poemas.

           

                                     

    Ao rematar o taller montaron un pequeno mural coas súas aportacións.                        

VISITAMOS O MERCADO

Os pequenos peregrinos fixemos un alto no camiño para coñecer a nosa vila e qué mellor xeito de coller folgos que visitar a praza de abastos. Moitas grazas a todos os que nos atenderon, especialmente aos panadeiros que nos deixaron amasar e nos agasallaron con pan e napolitanas.
Agora xa podemos continuar o noso camiño.
                                                                                                                                                                 

LEDICIA COSTAS

O mércores día 7 contamos coa visita da escritora Ledicia Costas. Veunos contar moitas anécdotas sobre o seu libro "A señorita Bubble" que leron os nenos e nenas de 5º nivel. Dende o CEIP Xulio Camba queremos agradecerlle a súa simpatía e cercanía cos rapaces e rapazas.
Desexando que pronto nos obsequie coa segunda parte do libro...Moita sorte e moitas gracias!

Podedes ver as fotos do evento pinchando na foto ou no enlace de abaixo...

Personalize your own photo collage